جديد الموقع::          التغطية الإعلامية لشهر محرم 1434هـ              جديد الموقع::          تغطية يوم عيد الأضحى 2012م              جديد الموقع::          صور أعياد ميلاد حبايبي               جديد الموقع::          كل ما يتعلق بالشهيد حسام الحداد 18/8/2012م              جديد الموقع::          تغطية لتقسيمة شباب الحياك الأسبوعية لكرة القدم               جديد الموقع::          التغطية الإعلامية لدورة المرحوم محمود الخور الخامسة لكرة الطائرة 2012م              جديد الموقع::          طموح صيف الحياك 2012م              جديد الموقع::          مواليد الخير إن شاء الله              جديد الموقع::          زواج وعقد قران 2012م              جديد الموقع::          التغطية الإعلامية لأفراح ( مواليد ) أهل البيت (ع) 1433هـ - 2012م               
أنت زائر المدونة رقم: 2115366
(3) .. من ذكريات أبوعمار الحايكي .. سااااااااحرة الليل !!
 تاريخ: 2009-10-08 - قراءات: 818





.:. ساااحرة الليل .:.


أكاني ييتكم مرة ثانية .. مع قصة يديدة

يالله صلوا على محمد وآل محمد

هاي القصة مو من زمان وايد
صايره من جم سنة بس
قبل لا أتحول في بيتي اليديد
كنت ساكن في شقة في وسط الفريج ( طبعا فريج الحياك )
وكل ليلة لازم خوب أمر على بيت أبوي
عشان أتشرف بشوفة أمي وأبوي وأقعد مع إخواني

المهم ، ومن طبايعنه في المحرق
وخاصة في فريج الحياك
السهر عادي وحلو بارد على قلبنه
( ما يندره هالطبع زين أو شين )

يعني لو واحد دش فريجنه الساعة 12 في الليل
وشاف اليهال يلعبون كووورة لا يتعجب

وإذا كان مار فريجنه وسمع المله في الماتم يقره نصايف الليل
لا تتعجبون

المهم ، في ليلة من الليالي وفي وقت متأخر من الليل
كنت طالع من الشقة ورايح بيت أبوي
ويوم وصلت جريب بيت أبوي
وكان الطريج مظلم وخرمس عدل

المهم ، شفت من بعيد وحده حرمة لابسة دفة واقفة جريب من بيت أبوي
أنا الصراحة تعجبت
وقلت في نفسي هلحزة حرمة بروحها
قلت يه ، بوعمار ما عليك من أحد
وروح في حال سبيلك أحسن لك

المهم ، وأنا ماشي وإلا بهالحرمة اللي متغطية بالدفة
تركض ركيض مو طبيعي ويايه صووووبي
الصراحة أنا من المفاجأة وقفت ولا تحركت
قلت يمكن ينية هههههههه

المهم ، إشوي وإلا هالحرمة طابقتني بقوة
وتمت تعصرني بقووووة
وأنا الصراحة قلبي طاح في ريلي

نصايف الليل والطريج محد فيه وحرمة طابقتك بقوة
ما يبي له كلام .. أكيد ينية .. راحت عليك يا بوعمار

بس أول مرة أسمع عن ينية لابسة دفة ومتسترة من فوق لتحت هههههه

المهم ، حاولت أفجج روحي من هالحرمة الينية أو ساحرة الليل
لكن تقولون لاصقة يدها بصمغ بو دينار اللي يلصق ولا يفج أبد

حاولت مني مناك ماكو فايدة
وقلبي كل إشوي تيد طقاته
أعتقد حتى اللي في البيوت اسمعوه ( بل ، كأنها قوية )

المهم ، إشوي وإلا أشوف ضروس طالعه من الدفه
وهلضروس مو غريبة علي

إشوي وإلا أشوف اللي لابس هالدفه ميت من الضحك علي

قمت سحبت الدفه وإلا هو واحد من الفريج
كانت إخته مطرشته اييب الدفة من السيارة
ويوم شافني لبسها ونطرني وسوه اللي سواه


حسبي الله على إبليسه صومعني وخلاني أتيبس مكاني

وخوب تعرفون لكل فعل ، لازم يصير ردة فعل
وأقوم لكم وآخذ لكم هالواحد وعينك ما تشوف إلا النور
طق ودست من الزين ، والله حتى يدي عورتني من كثر الطق
وهو فاطس من الضحك

لكن تصدقون والله العظيم
إشوي وقلبي يوقف حزتها


وليومكم من يشوفني هالشخص
ويتذكر هالموقف يفطس من الضحك

بس أشوه ما صادني شي ذيج الليلة
لو من الخوف ميت جان ما عندكم أحد يقول لكم ذكرياته هههههههه



.:. لا تباعدون .. نطروا القصة اليايه .:.


مع تحيات
بوعمار الحايكي